Tonoa hei Māngai mō Xero For Good

Ko tā te hōtaka Xero For Good Ambassador Programme he hāpai i ngā pakihi pakupaku ki te noho ki ngā kaiarataki utu kore, he kaikaute, kaitiaki pukapuka tūao. Ko tāna mahi, he āwhina i ngā pakihi me te whakaū i ngā tirohanga i hua mai i te Mōhio ki ō Nama, he hōtaka akoranga utu kore ka whāngaihia ki ngā pakihi pakupaku me ngā rakahinonga ki te mātauranga tahua pūtea e eke ai ki te tihi o angitu.

Ka taea e ngā hoa haere kōtui me ngā kaitiaki pukapuka te rēhita mai mō te kore utu, mēnā rā he kaitūao e tautoko ana i ngā pakihi pakupaku, ka mutu, ka tū mai hei māngai Xero For Good Ambassador. Whakatutukihia te hono puka rēhita ki tā mātou paetukutuku.

Ka kawea te hōtaka mā te ipurangi. Ko Mentorloop te kaiwhakarato e whakamahia ana e mātou ki te whakarite i ngā kaikaute, ngā kaitiaki pukapuka me ngā pakihi pakupaku, e whakamahia ana e ngā tōpūtanga puta noa i te ao.

Ko tā te hōtaka Xero For Good Ambassador Programme he whakarite kia kaua e iti iho i te 8 hāora ka whakapaua ki te whāngai i te tauira (ka horahia ki te 8 ki te 12 marama te roa) kia whakaū, kia mātua mōhio ki te mātauranga kua ara mai i te hōtaka Mōhio ki ō Nama. Ko tā te kaiarataki mahi, he ārahi i te tauira me pēhea te whakatō i ēnei mōhiotanga ki tā rātou pakihi.

Ehara i te mea me tuku tohutohu ā-pūtea, ā-kaute rānei mō te kore utu, ko tā rātou kē, he tuku kupu āwhina.

Ko te hōtaka Xero For Good Ambassador Programme he ratonga kore utu, nā reira kia kaua ngā kaiarataki e whai utu mō ā rātou mahi kaiarataki. Mō ngā pakihi pakupaku e whai ana i ngā tohutohu ki ngā mahi kaute, ngā mahi pūtea anō hoki, me whai i tētahi kaikaute, kaitiaki pukapuka rānei i roto i te rārangi kaitohutohu a Xero.

Karekau. Ehara i te mea ka whakamātau i ō wheako kaiarataki. E rapu ana mātou i ngā hoa haere a Xero (mai i ngā rangatira pakihi e whakaharatau ana, tae noa ki ngā tāngata kātahi anō ka whakapōtaetia) me tō rātou hiahia ki te horapa i ō rātou wheakoranga, mātauranga, me ā rātou tirohanga i ngā āhuatanga pakihi pakupaku. Ko tā mātou ki ngā kaiuru, kia mauria mai ō rātou wheako me te ngākau tuwhera.

I te tukanga o te rēhitatanga, ka pātaihia ētahi pātai kia kōrero ki tā rātou aruaru mahi me ō rātou pūkenga ki te hono ki tētahi pakihi pakupaku, nā rātou te tono kia whai kaiarataki.

Ka whakahonohono te hātepe a Mentorloop i ngā kaikaute me ngā kaitiaki pukapuka ki ngā pakihi pakupaku nā runga i ō rātou hiahia kia kounga te ‘hono kōtuia’. Ko te ‘hono kōtuia’ te kupu ka whakamahia e Mentorloop ki te kōrero ki ngā hononga, hononga takirua ranei i waenga nui i ngā kaiarataki (kaikaute me ngā kaitiaki pukapuka) me ngā tauira (pakihi pakupaku), ā, ka pēnei te whakaatu mai i te pūnaha a Mentorloop.

Āe, me he māngai Xero For Good Ambassador, ka taea e koe te hono atu ki te nui, ki te rahi o ngā kaiuru hōtaka.

Ka taea hoki e ngā kaiarataki me ngā tauira te tohu i tā rātou korenga mai, mēnā kua pokea rawatia e ngā hononga kōtuia.

Ahakoa ka taea te nui o ngā kaiarataki, o ngā tauira anō hoki, kei te ākina kia tīmata ki te hononga kotahi, e rua rānei, kia rere pai ai.

Kua tārai i a Mentorloop ki te whakahonohono i ngā tauira ki ngā kaiarataki.

Ka whakamahia te hātepe hei āta tātari i ngā kāhui hōtaka me te whakahonohono tāngata. Mā tēnei huarahi, ka whakahonohono nā runga i ōna wheakoranga, ōna painga me ōna whāinga.

I te hono tahi a te kaiarataki ki te tauira, ka kīia he hononga kōtuia. Ka tae atu tētahi karere ki roto tonu i a Mentorloop me te whakamōhio atu i a koe ki tō kaiarataki, mēnā kua hono tahi.

Ahakoa te tuwhera mai o te hōtaka Xero For Good Ambassador Programme ki ngā pakihi pakupaku katoa, ka āta kōwhiria ngā pakihi pakupaku nā runga i te matea, karekau āna rawa karekau rānei āna hononga hei tautoko, hei āwhina.

Kāore e taea te whiriwhiri i tāu anō tauira, nā runga i te mahi hātepe a Mentorloop ki te whakahonohono kaikaute, kaitiaki pukapuka anō hoki me ā rātou pānga ki ngā pakihi pakupaku.

Heoi, hei tō rēhita ki te hōtaka Xero For Good Ambassador Programme, ka pātaihia koe mēnā he hononga kē āu ki ētahi rōpū, ā, ka whaiwhakaaro ki taua āhua i roto i te tukanga whakahonohono.

Heoi, ki te rēhitatia koe ki te hōtaka Xero For Good Ambassador Programme, ka pātaihia koe mēnā ka tautuhi koe ki ēnei rōpū, ā, ka whakaarohia i te tutukitanga a te tukanga whakahonohono.

Pakihi Wāhine

Pakihi Tokoiti

Pakihi Māori

Pakihi nā Te Moana-nui-a-Kiwa

Pakihi Takatāpui

Pakihi Ika a Whiro

Pakihi Whaikaha

Pakihi Hinonga/ Ringatoi

Pakihi Taiohi (i raro iho i te 30 tau)

Pakihi Tīmatanga

Pakihi Hapori/Kaupapa Matua

Tōpūtanga Whiwhinga Kore

He Rangatira Pakihi Tuatahitanga

Ahakoa te hanga o te wā, he āheinga kia motukia te hononga ki te tauira.

Ka tukuna atu tētahi patapatai e tau mai ai te nui o ngā taipitopito kia tātarihia e ngā kaiwhakarite hōtaka ngā wāhanga hei whakapai ake.

Haere ki te Tari Awhina Mentorloop mō te roanga o ngā kōrero mō te whai i ngā āhuatanga ‘hononga kino’, koia hoki ko ngā tohu ki te anga whakamua, me pēhea te tono hononga hōu, ko wai hoki te tangata hei whai atu inā hiahia ana.

Mēnā ka tūkinotia, ka kitea rānei i tētahi āhua tūkino, me tere tō motu i te hononga kaiaratakitanga (hononga kōtuia) i taua wā tonu.

Ko ngā tikanga a te hōtaka Xero For Good Ambassador Programme kāore e whakaaetia ana ki te takahi mana, ki te whakahāwea, me te whakapōrearea.

Ko te te hōtaka Xero For Good Ambassador Programme he kaupapa e whakamātauhia ana ki roto o Aotearoa. I tēnei wā, karekau ana he rā whakamutunga; heoi anō, kei a Xero te whakatau mēnā ka aukatia te hōtaka, ahakoa ngā āhuatanga o te wā. Mēnā whakakapi a Xero i te hōtaka Xero For Good Ambassador Program hei te wā heke, ka whakamōhio atu ki ngā kaiuru me ngā kaipānga, kia 60 rā ki mua i tāna katinga. Mā konei, ka whai wā ki te whakatau mēnā, me pēhea rānei e whakahono anō ai, ki waho kē i te hōtaka nei.

Ka ākina kia hono atu ki te paetukutuku, knowyournumbers.xero.com mō ngā kōrero o nāianei. Mō ētahi atu pātai, tēnā whakapā atu ki a xeroforgood@xero.com.