Whai kaiarataki utukore, kia tipu ai.

Mā te Hōtaka Māngai o Xero For Good e hāpai i ngā pakihi pakupaku me te hono atu ki ngā kaiārahi utu kore, koia rā, ko ngā kaikaute me ngā kaitiaki pūtea e tūao ana.

I hangaia te hōtaka nei hei āwhina i ngā pakihi ki te tuitui akoranga mai i te hōtaka Know Your Numbers. He hōtaka ako koreutu a Know Your Numbers e āwhina ana ki te whakawhiwhi i ngā pakihi pakupaku me ngā kaipakihi ki ngā mōhiotanga whānui me ngā take pūtea kia angitu ai rātou.

Mō ngā pakihi pakupaku e rapu ana i ngā tohutohu e hāngai pū ana, ka akiaki kia rapua he kaikaute, he kaitiaki pukapuka ranei i roto i te rārangi kaitohutohu Xero.

Āe marika. E mōhiotia ana, ka kore pea koe e kī ana he ‘pakihi pakupaku’ tāu. Heoi anō, pēnā i ngā tōpūtanga katoa, ka whakahaere i āu rauemi, ka whakarite tāngata, ka utu pire, ā, kāre e kore ka hanga pūrongo ki ngā kaitautoko pūtea, ki tētahi poari rānei.

Ko te tikanga o ēnei whakahaerenga, kia mātua mōhio ki te tahua pūtea, he mea nui mō ngā tōpūtanga whiwhinga kore.

Ko tā te Mōhio ki ō Nama, he kōrero ki ngā kaupapa matua pēnā i te tahua pūtea, te matapae, te whakahaere moni tārewa, me tētahi atu kaupapa.  I hangaia te kaupapa nei ki te āwhina me te whakawhanake i ngā tōpūtanga e rere pai ai ā rātou tahua pūtea.

Ka akiaki i a koe ki te ako i te whānuitanga ō mōhio ki ō Nama me te hura i ngā hua ka puta i tēnei hōtaka hei hāpai i ngā tōpūtanga whiwhinga-kōre.

Ka kawea te hōtaka mā te ipurangi. Ko Mentorloop te kaiwhakarato e whakamahia ana e mātou ki te whakahaere i ngā kaikaute, ngā kaitiaki pukapuka me ngā pakihi pakupaku, e whakamahia ana e ngā tōpūtanga puta noa i te ao.

Ka āhei ngā pakihi pakupaku kei Aotearoa nei, e hiahia ana ki te whai tautoko i tētahi Māngai Xero For Good, ki te tono mā Mentorloop.

Ka pātaihia koe ki ētahi pātai mō ō whāinga me ngā kaupapa e ngākau nuitia ana e koe, kia taea ai e mātou te kimi i tētahi kaikaute, kaitiaki pūkete rānei e tika ana hei tautoko i a koe.

I hangaia te hōtaka Xero For Good Ambassador Programme hei kaupapa whakahaere i a ia anō. Kei ia tangata te mana o tōna anō whakapaunga wā. I tō hono tahitanga ki tētahi kaiarataki, ka akiakina koe e Mentorloop ki te whakaoti i ngā wāhanga e whāia ana tō whakawhanake me te whakaraupapa i ō wheakoranga kaiarataki. He haepapa hōki nō te tauira te whakahonohono me te whakahoki kōrero ki tō kaiarataki, kia tika, kia pono.

Mō te roanga o ngā taipitopito e hāngai ana ki tō urunga hei tauira, kua hangaia e mātou tētahi aratohu hei whai atu māu, e pupū ake ngā hua o tō noho ki tō kaiarataki.

He utu kore te hono atu ki tētahi kaiarataki Xero For Good, ā, he hoatutanga nui nā te hōtaka Mārama ki ō Nama.

Kua tārai i a Mentorloop ki te whakahonohono i ngā tauira ki ngā kaiarataki.

Ka whakamahia te hātepe hei āta tātari i ngā kāhui hōtaka me te whakahonohono tāngata. Mā tēnei huarahi, ka whakahonohono nā runga i ōna wheakoranga, ōna painga me ōna whāinga.

I te hono tahi a te kaiarataki ki te tauira, ka kīia he hononga kōtuia. Ka tae atu tētahi karere ki roto tonu i a Mentorloop me te whakamōhio atu i a koe ki tō kaiarataki, mēnā kua hono tahi.

Ahakoa te tuwhera mai o te hōtaka Xero For Good Ambassador Programme ki ngā pakihi pakupaku katoa, ka āta kōwhiria ngā pakihi pakupaku nā runga i te matea, karekau āna rawa karekau rānei āna hononga hei tautoko, hei āwhina.

Ahakoa te hanga o te wā, hei āheinga kia motukia te hononga ki tō kaiarataki.

Ka tukuna atu tētahi patapatai e tau mai ai te nui o ngā taipitopito kia tātarihia e ngā kaiwhakarite hōtaka ngā wāhanga hei whakapai ake.

Haere ki te Tari Awhina Mentorloop mō te roanga o ngā kōrero e pā ana ki te hononga kāore i eke, koia rā ko ngā tohu ki te whakakōkiri ki mua, te tono mō te hononga hou, ko wai rānei te tangata hei āwhina atu i a koe i tō tono atu.

Mēnā ka tūkinotia, ka kitea rānei i tētahi āhua tūkino, me tere tō motu i te hononga kaiaratakitanga (hononga kōtuia) i taua wā tonu.

Ko ngā tikanga a te hōtaka Xero For Good Ambassador Programme kāore e whakaaetia ana ki te takahi mana, ki te whakahāwea, me te whakapōrearea.

Haere ki te Tari Awhina Mentorloop mō te roanga o ngā kōrero mō te whai i ngā āhuatanga ‘hononga kino’, koia hoki ko ngā tohu ki te anga whakamua, me pēhea te tono hononga hōu, ko wai hoki te tangata hei whai atu inā hiahia ana.

Ko te te hōtaka Xero For Good Ambassador Programme he kaupapa e whakamātauhia ana ki roto o Aotearoa. I tēnei wā, karekau ana he rā whakamutunga; heoi anō, kei a Xero te whakatau mēnā ka aukatia te hōtaka, ahakoa ngā āhuatanga o te wā. Mēnā whakakapi a Xero i te hōtaka Xero For Good Ambassador Program hei te wā heke, ka whakamōhio atu ki ngā kaiuru me ngā kaipānga, kia 60 rā ki mua i tāna katinga. Mā konei, ka whai wā ki te whakatau mēnā, me pēhea rānei e whakahono anō ai, ki waho kē i te hōtaka nei.

Ka ākina kia hono atu ki te paetukutuku mō ngā kōrero o nāianei. Mō ētahi atu pātai, tēnā whakapā atu ki a xeroforgood@xero.com.